所謂高階玩家，其實可分為兩類：其一以分唇作主導，例如早陣子推出嘅N95，既內置GPS全球定位系統，又配備500萬像素相機兼Wi-Fi，集百家於一身；而另一類，係鍾情手機嘅款式及風格，佢哋特別重視質料、操作與手感嘅配搭，諾記8系就專針對呢班用家而設。
早前Nokia官方網站公佈咗該系列最新「形態」，除以往見慣嘅鈦金屬、不銹鋼之外，今次仲引入玻璃物料，據講鍵盤採用半透明設計，睇落晶瑩剔透，至於外殼則沿用防刮花、防指紋嘅金屬設計；功能方面都唔弱，配備1,670色彩芒、200萬像素相機兼用多式MicroUSB插槽，可分別處理充電、數據傳送及音源多種用途，8600Luna將於第二季推出，售價為700歐元（約7,000港元）。
查詢：Nokia（21366338）