「熱到街都唔想出……」「香港就快唔住得人！」「𠵱家都仲未到七八月，到嗰陣點死？」本港氣溫連日高逾攝氏30度，令網友叫苦連天，紛紛討論消暑妙計。有人提議穿拖鞋去街或返工，有人主張去逛冷氣強勁的商場，甚至有網友圖文並茂地建議將整個頭埋在雪櫃中消暑，不怕冷傷風。
「除衫囉！」「呢幾年啲溫度真係升得好得人驚……」天時暑熱，躲在家中上網的網友意見多多。署名謎女郎的網友問：「大熱天時，各位去街係咪仲着住波鞋？」即時引來大批回應：「多數着拖鞋」、「咁熱，唔着！」
「來世我要做雪櫃」
對於有網友說：「熱到冇胃口食嘢……」網友妲_己十分認同：「因為咁，我仲未食lunch。」有人提議去開行冷氣的商場逛逛，但網友DOWN感無奈：「就係熱到去商場條路都唔想行。」還有一名更激的網友直言：「來世投胎我要做一個雪櫃！」
網友蝴蝶君張貼一張騎呢的消暑照片，似有意挑戰其他網友的膽量：「天氣熱，你會唔會咁消暑？」相中可見一名男子將頭埋在放滿雪糕和雪條的雪櫃內，嚇得網友天刃追問：「佢使唔使咁呀？真係咁熱咩？」不過，L仔反而替相中人擔心：「會唔會凍死咗㗎？」而網友mon724的看法比較實際：「啲雪條畀佢咁搞法，唔使要啦！」