李國麟和太太Angel的寶貝女BiBi雖然只有4歲多，卻甚懂人情世故，經常逗得爸媽眉開眼笑。
回想四年多前，李國麟本計劃陪太太入產房，可惜陰差陽錯，他一離開醫院，BiBi就急不及待從媽咪肚中鑽出來，李國麟只得滾水淥腳飛奔回醫院，他回憶說：「我去到產房門口，護士馬上遞包嘢畀我抱住，我當時腦海仲一片空白，揭開見到有隻鳳爪郁郁吓，我再睇真啲，佢啲皮膚白雪雪，不過皺掹掹，當我捉住隻鳳爪嗰刻，我哋兩父女好大感應，或者呢啲就係血濃於水，呢一幕令我永遠難忘。」
看着BiBi牙牙學語，到今日的口齒伶俐，教雙親非常欣慰，當拍攝全家福時，BiBi衝口而出一句：「ABCDE，我一陣請你食芝士。」一家三口合共12萬的笑容，隨即毫無保留傾瀉而出。