為同胞爭自由
Alison 22歲 服務業
「自由唔係必然，好似大陸同胞咁，就已經冇（自由），如果唔爭取，遲早一日我哋都冇。」
每次都好沉重
周澄 20歲 大學二年級
「我已經嚟過六四晚會六、七年，每次參加，心情都好沉重；今日都專程幫手做義工，希望可以平反六四。」
六四實太恐怖
James 20歲 英國人
「我剛剛到過北京天安門，之後來到香港，覺得必須參加今晚的集會，因為六四事件實在太恐怖，一定支持平反。」
18年都冇忘記
黎智英 壹傳媒集團主席
（旁為尊子父子）
「六四最大感受係『人民不會忘記』；至少睇到今日有咁多人參加燭光晚會，已經證明好多人冇唔記得，18年都冇忘記。」
馬力提醒我來
袁先生
「89年起我都有遊行支持平反六四，今年就係馬力再提醒我要出嚟；當年明明有屠城，點可以話冇。」
讓兒子認識六四
梁女士（右）及6歲兒子周證昊
「今日出席集會，主要都係嚟感受一下，順道要教識個仔六四事件係乜嘢，六四必須要薪火相傳。」
要給死者交代
陳小姐 23歲
（與朋友張先生一起參加）
「六四嗰年我好細，唔知乜事，中國人不打中國人，我好後悔咁多年都冇嚟，嗰日死咗咁多人，要畀個交代佢哋。」
香港人的驕傲
何俊仁 立法會議員
「六四集會代表大家嘅深層信念。喺人類文明之中，好少好似六四事件咁，引起一個民族、一個社群，數以萬計嘅人連續18年、一年一次集會悼念，呢個係香港人嘅尊嚴同驕傲！」
