現年50歲的無綫綠葉王李國麟，在過去20多年的演藝生涯中，先後在不同劇集中演過慈父，現實生活中他中年得女，02年獨女李沅薐（BiBi）出世後，兩夫婦即由零開始，積聚了4年多的經驗，至今掛在二人嘴邊的已盡是湊女秘笈。 撰文：比華利
李國麟與囡囡李沅薐的年齡雖然相差46年，但他們沒有代溝，為父的經常投女兒所好，他們一家三口日前往清水灣放風箏，玩個不亦樂乎。
為了維繫幸福家庭，李國麟和太太Angel分工合作，他負責賺錢維持生計，太太則全職照顧家庭，而可愛的BiBi則成為家中娛樂大使，為雙親提供源源不絕的歡樂和親情。
最愛撒嬌扭抱
李國麟生於警察之家，其父管教子女特別嚴厲，他說：「記得細個時，阿爸話黑社會好犀利，怕我哋四兄妹學壞，從來唔准我哋踏出警察宿舍。」隨着時代變遷，他教女已棄用老父的一套，他說：「我做戲就扮過爹哋，現實生活我哋兩公婆都係第一次做阿爸阿媽，好多嘢都要慢慢學習，最緊要係真心愛護個女。」
獨生女BiBi偶爾會恃寵生嬌，倦極更會撒嬌扭抱，廿四孝爹哋李國麟會心軟就範，媽咪卻投訴他太縱容女兒，李國麟解釋說：「難得囡囡仲肯黐我，再過幾年，我一日老過一日，囡囡就一日重過一日，又或者囡囡大個咗，我想抱佢嘅時候，佢都唔肯，我好珍惜呢幾年時間㗎。」
面對家中小公主無理發脾氣，爸媽會體罰鎮壓，Angel說：「我贊成適當體罰，因為呢個係最能控制佢哋亂發脾氣嘅方法，我哋都唔捨得打佢，最多係輕輕打吓手仔同patpat，用嚟阻嚇佢，事後會再同佢講道理。」
囡囡表演慾強
李國麟曾在劇中當過選美出身的胡杏兒、楊思琦、鍾嘉欣和楊怡的冒牌爸爸，他的女兒BiBi才4歲多，樣子標致，表演慾強，將來若要參加選美，作為爸爸的他可會反對？李國麟說：「到夠年齡參加選美，我都冇佢符，我都要尊重佢成長，不過𠵱家佢仲細，佢嘅性格好鍾意showoff，呢點其實唔係壞，正確培育小朋友，反而可以增加佢嘅自信心。雖然好多人搵佢拍廣告，但我唔想佢咁細個接觸娛樂圈，所以我𠵱家要佢讀好書，培養良好品格。」
在水銀燈下工作的李國麟，看透娛樂圈藝人的爭名逐利，他認為做個平凡人才最開心和幸福，所以他也把這套經驗之談灌輸給女兒。
