雖然《溏心風暴》已大結局，但這股「溏心潮」依然未減退，無論街上、車內、辦公室內，街坊都紛紛討論大結局劇情，完全入晒戲！要數最深入民心的角色，除了「大細契」，鍾嘉欣（Linda）飾演成日又笑又喊的「常在心」，又是另一焦點。年紀輕輕的佢，要扮演律師角色，穿的都是黑黑白白的行政人員套裝，但原來佢最愛的始終是T-Shirt牛仔褲，就連自己都話：「好簡單的衫褲，已經可以着得人好靚。」筆者明白，明白一個22歲有本錢的靚女，着咩衫都當然係靚！
記者：黎婉薇
攝影：周旭文
Make-Up：MeeganS.
Hair：Teddy@SalonChic
Wardrobe：Chevignon（25062155）銅鑼灣時代廣場614號舖
場地提供：FeverClub@Central
背心是不少女生的夏天首選，單着可能太普通，但襯上西裝背心，形象就更Cool更型格。
Chevignon碎花白背心$245、灰綠色西裝背心$525、「50ansDenim」特別版重洗水藍色牛仔褲$1,280、襟章及高踭鞋（Stylist'sOwn）
特別版「50ansDenim」
適逢今年是法國品牌Chevignon創辦人GuyAzoulay的50歲生辰，為此特別推出了名為「50ansDenim」的牛仔褲。除了洗水效果更明顯外，每條牛仔褲還附有軍人Dog-Tag及仿軍人袋一個，來紀念始創人對空軍的熱愛。連Linda都話：「因為重洗水的關係，覺得呢款褲明顯比其他着得更舒服。」
常在心變小野貓
平日少女感覺強烈的Linda，原來一經閃亮化妝，會搖身一變成女人味重的性感小野貓！
化妝師Meegan：「要塑造女人味重的妝，可以靠深色眼影。Linda的一雙大眼睛已經好吸引，只要略加下眼線和貼上水晶石，眼睛就更Sharp。」
髮型師Teddy：「Linda的微曲新髮型，感覺比之前成熟和有女人味。為了突出她肩膊的線條，我就把髮尾束起，做出小Bob頭的效果。」
少出街買衫搵人幫
性格活潑主動的Linda，原來一直出入都係坐地鐵，但自從常在心一角大紅後，Linda坦言多咗「狗仔隊」跟，出街都怕怕。Linda世故地說：「就好似食SetLunch咁，你Expect有咖啡茶跟；所以人紅，都預咗會有記者跟。」這個比喻，又幾合理。筆者就八卦，女仔最愛Shopping，Linda少出街咁點Shopping？「其實我唔會亂使錢買嘢，對於名牌都唔太着重，最Basic的T恤牛仔褲我就最喜歡，因為我相信簡單的衫褲，都可以着得人好靚。如果工作太忙，又或者怕咗狗仔隊，CasualWear的衫褲，我會叫朋友代我買。」
KateMoss着紅了灰色SkinnyJeans，因此灰色洗水牛仔褲絕對是藍牛以外的襯衫好選擇，型人必備！
Chevignon藍白紮染背心$495、灰色洗水牛仔褲$795、啡色皮帶$395、高踭鞋（Stylist'sOwn）
闊領Tee可以內襯背心，另一有型穿法是當單膊衫着，Casual中見Sexy。
Chevignon女人圖案黃白漸變Tee$395、限量版潑漆洗水牛仔褲$895、波鞋（Stylist'sOwn）
T恤短裙很百搭，若嫌太單調，只要內襯多件薄背心玩Layering，或在腰間加上飾物，感覺較多變。
Chevignon字樣紅色Tee$225、白色背心$295、藍色洗水牛仔裙$595、腰飾及高踭鞋（Stylist'sOwn）
貼身恤衫可以展現女性身材，內加TubeTop，襯上西裝吊帶和短褲，夠活潑。
Chevignon灰白直間貼身短袖恤衫$395、藍色洗水牛仔短褲$595、TubeTop、吊帶及高踭鞋（Stylist'sOwn）
連身裙的好處是節省襯衫時間，但想形象突出，配襯一件今季熱爆的鮮黃色Top，咁就Fit晒。
Chevignon黃×白荷葉領上衣$445，藍色洗水連身牛仔裙$595
鍾嘉欣變「型」記
冇得睇?!
常在心與得得地激咀戲被刪!
《溏心風暴》播完，大家的「煲劇」生活暫停，簡直無晒寄託！劇集的宣傳、訪問甚至慶功宴都完晒，鍾嘉欣的感受原來同觀眾一樣：「我覺得突然間靜咗好多！」對於「常在心」一角的成功，她說：「拍的時候都無諗過呢個角色會咁成功，常在心呢個女仔，竟可牽引着觀眾的情緒。她們對我講，每當見到常在心笑和喊，都會感動到一齊笑和喊！而且常在心也令人知道，鍾嘉欣原來可以唔係「花瓶」！亦好開心因此多了電影商找我拍戲。」聽Linda講，本來編劇安排了一幕她與陳豪的激咀鏡頭，但後來討論過，覺得常在心與得得地的感情一向純潔，最終都刪減了這一幕。哎呀！筆者覺得，其實觀眾會好期待呢一幕囉！
