無綫《2007年度香港小姐競選》16位候選佳麗，昨日起程遠赴北京及天津進行九日外景拍攝工作，一眾佳麗與嘉賓森美、小儀及EO2中午先在將軍澳電視廣播城進行拜神儀式。今次北京之旅，候選佳麗將會跑長城、學體操、跆拳道、打排球及與孫耀威比拼游泳，並選出女飛魚和女飛人。
腰傷或影響表現
候選佳麗「大契世姪女」14號趙嘉廸早前出席活動時不慎跌倒，令她腰部尾龍骨骨裂，她說：「我已經睇咗醫生，游水冇問題，但跑步就要小心，做到都會盡量做。」趙嘉廸最近被揭發其母是前藝人梁小玲，並與圈中前輩及無綫高層稔熟，對此趙嘉廸說：「媽咪離開咗娛樂圈廿幾年，如果識人就唔使選港姐啦，我想靠自己，媽咪都支持我參選，仲叫我一定要準時聽話。」
森美雖然已有家室，但今次攞正牌昅靚女，還笑說：「咁多靚女用欣賞眼光去睇都好正常啫，家人會懂得原諒嘅，何況我對咗小儀咁多年，睇吓靚女都得，我認得少女黎姿。」
採訪：卓寶花 攝影：葉君海