牛蒡是種高纖有益的蔬菜，有助通便利尿，促進新陳代謝，預防血管硬化；然而，要拿牛蒡做菜，心裏卻有一堆謎團：究竟點煮？點洗？使唔使去皮？煲湯前要汆水嗎？既然一頭霧水，於是求教日本料理研究家CoCo為大家解「謎」，原來牛蒡不只可以煲湯，呢樣連Adam鄭都唔知喎!
記者：趙珮倩
攝影：楊錦文
示範：日本料理研究家CoCo小松本
（ http://hk.myblog.yahoo.com/coco-cook）
牛蒡筑前煮
需時：30分鐘
價錢：$40/4人
材料：雞胸肉2塊、日本蓮藕/紅蘿蔔/牛蒡/日本竹笋各1/2條、獅子狗魚蛋1條、鮮冬菇3隻、水3杯
調味料：糖/味醂/豉油各1湯匙
做法：先將牛蒡洗淨開邊再切角；獅子狗魚蛋/蓮藕/紅蘿蔔/竹笋切角；鮮冬菇/雞胸肉切成4至6小塊。下油於鍋中，燒熱後放入牛蒡略炒，之後加入雞胸肉炒至半熟，將餘下材料放鍋中同炒，加3杯水再下調味料，煮滾後轉中火燜約20分鐘即可。
知多啲：牛蒡本身快熟又沒有臭腥味，所以煮菜或滾湯都不用先汆水。
洗牛蒡好Easy
牛蒡為根莖蔬菜，市場買回來的多是未清洗，被泥包圍着；CoCo教路，洗牛蒡好Easy，只需用百潔布一捽就會見白，基本上不用刨皮。此外，由於牛蒡纖維高，適宜以削鉛筆方式削出薄片烹調，這樣既可減少纖維的損壞，口感亦較佳。至於切好了又未落鑊煮的牛蒡，要用凍水浸泡，否則會變黑。另外，點揀牛蒡呢？CoCo建議大家揀一些幼身的，太粗壯的話吃起來會略嫌嚡口。
柳川風浦燒鰻牛蒡
需時：5分鐘
價錢：$30/4人
材料：浦燒鰻1條、牛蒡1/2條、蛋2隻、昆布清湯2杯、豉油1/2湯匙、酒4湯匙、糖適量
做法：牛蒡洗淨刨成絲浸水備用；昆布清湯/豉油/酒/糖放入鍋內煮沸，之後加入牛蒡絲，再沸騰時撇除泡沫，轉中火煮約2分鐘至牛蒡軟透；加入浦燒鰻，以中火煮約2分鐘，蛋拂勻後倒入鍋內，熄火至蛋半凝固取出即成。
咖喱牛蒡炒吞拿魚
需時：15分鐘
價錢：$20/2人
材料：牛蒡2條、南瓜4個、四季豆/蒜泥/咖喱粉各適量、吞拿魚1罐、木魚汁1湯匙、酒2湯匙、日本沙律醬2湯匙
做法：牛蒡去皮切段；南瓜去皮切粒；四季豆切約5厘米長。燒油鑊爆香蒜泥，落牛蒡/南瓜/四季豆炒勻，灒入木魚汁/酒煮至收水，下吞拿魚/咖喱粉/日本沙律醬炒勻。
貼士：牛蒡很吸油，故可選用油浸吞拿魚，煮出來牛蒡更香口。
昆布八幡卷
需時：1小時
價錢：$40/4人
材料：昆布8片（約10厘米長）、牛蒡2條、亁瓢10克、鹽適量、酒3杯、醋1茶匙、糖/味醂/豉油各3湯匙
做法：昆布先以濕布拭擦，放4杯水中浸軟，浸汁留用；亁瓢略濕水後加鹽揉搓，再沖水洗淨備用；牛蒡開邊拍開，以昆布捲起成昆布卷，用亁瓢將昆布卷紮緊，然後放入鍋內，注入昆布浸汁/酒/醋，以中火加熱煮約30分鐘。之後用牙籤刺穿昆布卷，加入糖/味醂，續以中火加熱煮約30分鐘至汁液轉濃時即加入豉油，接近沸騰時馬上熄火，離火放涼後即可食用。
貼士：昆布不要直接用水沖洗，用濕布抹淨便可，保留原汁原味。
