阿根廷秋季聯賽爭霸形勢激烈，本來只要小保加前日作客砌低高隆，就追到只落後榜首聖羅倫素1分，但最終輸1:2。小保加呢場先收起列基美、柏拉斯奧同巴勒莫，無非為留力周四對古古達收復失地（首回合輸1:3）。又係嘅，聯賽冠軍成日贏，南美自由盃冠軍馨香得多。小保加爭自由盃決心咁大，波迷不妨儲定彈藥。