我悠穎馳敢講，絕大部份嘅意外，都係駕駛者一時貪快而引起嘅，尤其是喺無人看管嘅情況下，呢種偷雞心態就更加明顯，唔少司機見路上無乜車都會開快啲，結果咪就係咁出事囉！
家陣日本嘅汽車廠ISUZU同通信公司KDDI就合作開發咗一個無線汽車黑盒，可以記錄低車速同引擎轉數嘅資料，除咗每次送完貨後會自動將行車資料經互聯網送返公司外，遇上司機急加速或急煞車，系統就會自動告密，即係將資料馬上傳送返公司，公司方面一知道司機亂嚟嘅話，就會即時送封安全駕駛嘅電郵畀司機哥哥提醒佢。
呢套系統能唔能夠有效減低意外就仲未知，不過有一點可以肯定嘅係可以慳油，因為急加速急煞車嘅駕駛使方法係人都知係最嘥油嘅，司機唔夠膽再咁做，年中咪可以慳唔少油錢囉。
悠穎馳
豪邁不羈，愛車如命，聽幾下引擎聲就知咩車！