踏入夏季天天30多度高溫，人人熱到頭昏腦脹，寵物也會受不了。Kinman家有小狗，近日天文台幾乎日日發出酷熱警告，他十分擔心小狗會否中暑，「冇人喺屋企嘅時候使唔使開冷氣？長開冷氣好似好嘥電，有乜方法呢？」
宜給多點水免中暑
ipetchannel負責人Conny稱，獨留寵物在家，而家中又沒有適當通風設施，寵物有可能中暑，她指出狗隻的脷有散熱作用，故不一定要開冷氣降溫，「一定要開窗，可以開埋風扇或者抽氣扇，令空氣流通。」她又說炎夏時主人要多留意寵物狀況，「畀多啲水佢哋飲，唔係會好易中暑。」她特別提醒主人切勿把寵物留在車廂內，「夏天時車廂熱到焗爐咁，真係蒸熟隻狗都得。」