上場歐國外，德國贏對手6球，完全冇難度；聽日德軍再於主場出戰，迎擊手下敗將斯洛伐克。上回合德國贏到4:1，我諗聽日「主勝」兼「大」，應該冇問題！
我會關心德國出邊兩個前鋒，上場古蘭爾拍高路斯效果麻麻，一換入馬里奧高美斯，即刻唔同晒；當然，對手係聖馬力諾，不能作準。睇番近幾場國家隊表現，高路斯上次入波，已經係上年9月對聖馬力諾，可惜德國教練路維話會繼續用高路斯喎！唯一解釋係高路斯有名氣，可以吸引對手注意，製造空位畀隊友入波！希望德國吉人天相，順利開「大」！
我最有興趣係E組克羅地亞對俄羅斯，兩隊攻力唔使擔心，入球一定「大」！至於小組形勢，講實力應該係佢哋出線，英格蘭晉級無望！我諗俄羅斯聽日會好主動，只要贏到克羅地亞，就出線在望。反觀主隊和波都得，因為已經拋離英格蘭一大截！當然，我唔博「主客和」，要入球「大」算數！
周鵬
商業1台《球迷集中贏》主持
電郵：[email protected]