【本報訊】殘障婦涉以筷子插向患有小兒麻痹的風流獨眼男友眼球一案，昨於區域法院續審。被告指男友常要求以不同姿勢歡好，曾霸王硬上弓，完事後又諸多埋怨，更以情婦的表現與她比較，經常欺騙和中傷她，連旁人也看不過眼，「嫁娶與否，都要畀番啲尊嚴我」。
57歲被告布笑芳自辯期間，不時涕淚縱橫。案發於去年11月16日晚，她看見比她年輕8歲、相戀14載「初戀男友」郭偉明的眼角輕微流血，並非她造成，也不知原因，遂勸郭看醫生，惟他拒絕。當晚半夜郭要求歡好，但布指自己年紀大，因病切除子宮，二人剛吵架，她不想做愛，但郭霸王硬上弓，稱「要做嘅係我，你冇得選擇」，布只好「滿足佢，希望佢唔好同外面啲女人做」。
交歡時要求依書做
但完事後郭滿口怨恨，布指「佢成日買啲書返嚟，叫我照做入便啲（性交）姿勢，我以為做愛會好溫馨，但佢話姓樂個情婦做好多花式，可以滿足佢」，被告指樂向她直認郭曾向她求過三次婚。面對情敵，布歎道：「我也曾做過佢呢個地位，不過𠵱家就算我行街口渴，郭連一杯汽水都唔肯買畀我。」
曾承諾買床後結婚
布續稱，她並非如郭所指曾當過藝人保母甚至開公司，更指郭曾透露自己的左眼是因意外致盲。對於郭指稱視布如妻子，她並不認同，「我叫佢husband（丈夫），但佢只會叫我Maggie（布的洋名）」，朋友都認定他們是一對，郭不斷作出承諾，「話我幫佢買雙人床，買家電，就會同我結婚」，但照做後郭卻不肯註冊。郭又曾帶一對姊妹花見她，其中一人用煙蒂灼她，指她纏住郭，郭更到處散播謠言中傷她，連義工機構高層也看不過眼，要求郭澄清，「佢哋話唔信我係咁，叫郭無論嫁娶與否，都要畀番啲尊嚴我」。
布指郭的父母亦曾歎謂，「生咁多個仔女，最差係郭偉明」。案件押後明天結案陳詞。
案件編號：DCCC90/07