無論是自己花錢買、還是朋友或情人送給自己做禮物的名牌手袋，又或是具有紀念價值的經典手袋，除了價錢高昂之外，仲有一份心意在內。如果一下不小心弄污了，一定心痛死。安全計，當然係拎去專門店洗啦，嫌收費貴，市面亦有一些污糟手袋救星，提供專業洗袋服務！某啲污迹，少少哋的，好多人都會自己動手清潔，今次我哋就測試了4種坊間常用的手袋「清潔劑」，究竟試唔試得過呢？
記者：蔡蔚心 攝影：陳陶鈞、何家亮 Model：家希
鳴謝：陽光洗衣店（28984111）提供資料
皮革×原子筆迹，揮發性液體OK嗎？
名牌貴手袋污糟咗固然心痛，不過，當發覺其實又不是好大撻時，又費事畀幾百蚊拎去洗，就想試用坊間流傳的方法，用天拿水、白電油、消毒火酒、甚至洗甲水，意圖洗走常見的原子筆迹。究竟自己捽，是否真是捽得甩？看看以下的親身測試！
測試用產品
測試1：LV銀包×油性原子筆
皮革是名牌手袋銀包的常用物料，今次我哋以OL的至愛LV銀包做測試。
消毒火酒
可以見到筆迹即時化開，但是皮面變啞色了。
洗甲水
筆迹基本上捽走了，不過好明顯見到淺色了一撻……
白電油
唔得！筆迹仍清晰可見，仲搞到皮面啞咗色兼淺咗一撻。
天拿水
筆迹化開，但不能徹底抹去，而接觸天拿水的範圍變啞色了！
測試2：米白色羊皮袋×油性原子筆
再試！白色羊皮手袋，的確令人着迷。但髒了，又令人更加心痛！
消毒火酒
去迹效果算OK，不過份量要少，否則容易損害皮面。
洗甲水
抹後似濕了一撻，有微印，亁後效果OK。
白電油
筆迹消散，不過周圍染成淺藍，兼皮面泛白！
天拿水
效果最差！筆迹依然可見，周圍白化，中間仍藍！
結果分析：揮發性液體連Coating都捽甩
綜觀以上小測試，沒有一種能完全去除皮革上的油性原子筆迹，當中又以天拿水、白電油這類高揮發性液體，去油性筆迹效果最差。
事後問過陽光洗衣店營運經理梁先生，原來原子筆墨有3種物質：色素、膠質及油。以上揮發性液體或可去掉墨的油及膠質，但就連表面的Coating都捽走了。梁先生建議，因為皮革都是些蛋白質纖維，如想自己清潔，應用中性清潔劑試（如洗手液），即ph6.5-7.5度，就算洗不太淨，都不會損害皮手袋。
洗手袋專家教路
看完一些坊間DIY去污法後，都係覺得自己洗試唔過!現在帶大家上去洗衣店的工場，看他們如何清潔名牌袋！陽光洗衣店經理梁先生說，他們任何手袋都會洗，小記一上到去，便見一個個不同質料及牌子的手袋，掛在架上等待清洗。洗一個袋視乎袋的大小，價錢由$200-$350，不分質料，約10日有得拎番。
去污7Steps：
梁先生說，無論甚麼污迹、何種質料的手袋，清洗過程及方法是大同小異。只是洗完後，光面皮革會上光及打蠟，絨面皮革（如麖皮）則不會。我哋今次就以發霉了的人造纖維袋面及皮革帶的Gucci袋來做清潔示範。
大家可能會想，如上錯色就大件事。但原來在顏色選用方面，是十分嚴謹的。每款袋有不同色系，如某種啡色會被稱為「LV色」，相當專業，大家大可放心。
DIY護理清潔劑
名牌手袋當然唔平，污糟咗亂咁自己清洗，後果可能比搵專家洗更肉痛。所以唔應該偷懶，平時都要做好手袋的防污護理。
麖皮用：清潔、防水及刷順麖皮毛面
真皮、人造皮用：防水、清潔
專家3個指引
總結梁先生所言，沒有一種污迹特別難洗，重點是污迹落在哪種質料的手袋上。油溶性污迹如原子筆，落在織紋較密的皮革或布料上最難清洗。
1.不小心弄污後，最好立刻清洗，以免污迹滲到皮革底層，那時候可能無得救了。
2.防止手袋發霉，可在衣櫃內安裝排潮光管，讓熱力蒸發濕氣。或可放吸濕大笨象。
3.真的要有效洗淨及翻新手袋，用水及化學物質清洗，以及上色及打蠟等機械動作，3個程序決不可少。
店舖地址：
（A）Barclay、（B）Florsheim、（C）Milan：銅鑼灣SOGOB1/F（28338338）
（D）Timberland銅鑼灣時代廣場622號（25063808）