韓國女星全度妍日前憑電影《密陽》而榮升康城影后之後，去到邊都成為記者焦點。噚日下晝，佢同男星宋康昊及導演李滄東現身首爾一間戲院宣傳，一班觀眾見到呢位出爐影后，即時好興奮咁拎出相機，宋康昊同李滄東被人搶晒鏡，而全度妍亦好識做，擺出四萬笑容感謝觀眾支持，難怪佢咁得影迷歡心啦。