《溏心風暴》帶挈一眾演員多了搵真銀機會，大鮑夏雨和得得地陳豪昨日父子兵上場，在奧海城宣傳按摩產品，大打溫情牌。提到《溏心》被指草草完結，夏雨說：「唔算草率，幾好呀！」陳豪也力撐結局不算犯駁草率，他說：「咁有好多場口喺時間上唔能夠全部交代晒，但應該都冇乜大cut。」
踢爆廖碧兒探班
夏雨又即場玩踢爆，笑指陳豪多女友，他說：「佢收收埋埋好多，拍緊劇時成日有人嚟搵佢，好似廖碧兒咁，喺隔籬廠開工成日過嚟偷嘢食，都唔怕醜。」
另一方面，鍾嘉欣昨日應邀出席德國時裝LuisaCerano中環店開幕，現場一名紅衣自由行男士在祝酒後，攝位上前與她合照，嘉欣說：「好開心多咗搵錢機會，仲有幾個廣告傾緊。」
此外，陳法拉昨日在無綫將軍澳電視廣播城錄影節目《適飲適食至有營》，夥拍安德尊玩滾動平衡木遊戲時，男方先跌落波波池，其後法拉也失去平衡跌在安德尊的肚皮上，幸好法拉輕磅，否則安德尊一定會受傷。對於有網民將法拉的泳衣照做手腳後放上網，她說：「有俾人侵犯嘅感覺，佢哋應該尊重藝人同自重。」
採訪：顏英儀、卓寶花
攝影：陳慧安、陸君海
