啲名人嘅財政同人氣指數，好多時都係成正比嘅。好似曾經風光一時嘅美容健美界分子「普洱」，佢自從金錢上唔多掂之後，都冇蒲頭好耐，其實你「柄埋」一輪人哋都唔多記得你，更加唔得閒唱你唔掂啦，但係「普洱」仲要死撐扮自己唔喺香港。
有次「普洱」出番嚟蒲，蒲完半夜三更肚餓嗌搵嘢食，嗰段時間喺中環唔使諗梗係「醉華」啦！點知「普洱」去到「醉華」扮晒無知，一連串猛問「中環幾時開咗咁嘅茶餐廳，好interesting呀，仲好好生意㖭噃」，同行嘅人個個都反晒眼，唔知「普洱」係真係咁out定扮懵未幫襯過茶餐廳！
撰文：阿蘇
本欄逢周一至六刊出