楊千嬅轉投寰亞公司後主演的首部電影《每當變幻時》即將上映，她對這部愛情喜劇自然特別重視，不過飾演賣魚妹的她拍攝一場騎馬戲時，竟遇上一匹思春馬，堅持不肯讓她策騎，氣得她蹦蹦跳。
由杜琪峯監製、羅永昌執導、楊千嬅和陳奕迅（Eason）主演的電影《每當變幻時》將於本月28日暑假檔上映，同期對手有《史力加之咁就三世》（Shrek3）及《虎膽龍威4.0》（LiveFreeorDieHard），雖然強敵當前，但千嬅認為同期沒有這類港產愛情喜劇推出，相信能吸引一定觀眾捧場。
Eason貪玩
戲中千嬅飾演賣魚妹，與陳奕迅所扮演的賣魚仔是一對情侶，由於兩人本身是好朋友，故拍攝空檔經常有說有笑，貪玩的Eason更是精力無窮，一時在片場高歌自娛，一時又拉着馮淬帆和千嬅等打乒乓波，總之有他在場，氣氛便會變得熱熱鬧鬧。
在《每》片中，千嬅最難忘一場騎馬戲，她笑說：「嗰場戲係講我識咗黃浩然呢個有錢仔，咁當然要跟佢參與上流社會嘅騎馬運動。點知拍嗰日隻馬思春，唔多願畀我騎，佢係咁望住前面馬房嘅馬女，我見佢仲有埋生理反應，係咁喺馬圈入面兜圈，搞咗好耐，我都上唔到馬，我覺得唔好拆散佢哋，最後都係換馬啦！」
最怕墮馬
千嬅續說：「其實同馬拍戲，我都有少少驚，因為好驚會墮馬，所以拍騎馬戲，我會份外小心，上馬之前會先同隻馬溝通吓。」
撰文：葉雪
