音樂劇《小飛俠》前晚在演藝學院歌劇院舉行首演禮，不少父母都帶同子女欣賞，包括馬詩慧與三名子女、范姜與兩B女、樂易玲與兩位兒子、張堅庭夫婦與四名子女、吳澋滔與父親及胞弟等。
老師又愛又恨
范姜表示鍾鎮濤因要開工未能出席，小B女鍾懿向來表演慾強，她一見記者拍照即大騷手上的灰姑娘印水公仔，又說家姐也有，並拉起大B女鍾嘉晴的衣袖，露出kuromi印水公仔，范姜笑說：「佢好抵死㗎，又主動，𠵱家讀緊書，老師成日話佢曳，但曳得嚟又好鍾意佢，因為佢好識𠱁人開心。」
范姜又大爆小B女上音樂課時，不肯跟老師唱兒歌，堅持要唱阿B或溫拿的歌曲，問女兒是否因常見到譚詠麟這類百厭世叔伯所致？范姜說：「可能係啩，佢哥哥姐姐都好怕醜，佢就唔怕醜。」現時嘉晴讀小五，阿B長子嘉浚則在美國讀書，范姜說：「大仔會返香港過暑假，佢話大學都想喺外國讀，嘉晴想去法國讀art，等佢讀中學先考慮啦。」
馬詩慧暑假忙
馬詩慧（Janet）透露暑假會帶同幼女到澳洲旅行，因為一家人已有兩年沒一同外遊，其夫王敏德可能7月要拍戲，子女也會投入暑期活動課程。談到電視劇《師奶兵團》受歡迎，Janet說：「我冇特別煲，其實應該搵我做，我幫仔女編暑假行程，次次都搞到亂晒。」至於吳澋滔則表示媽媽身在新加坡，問到暑期節目，他說：「去打網球囉，拍戲可能都會，傾緊。」
採訪：胡比 攝影：陳順禎
