何韻詩昨日到港台出席節目《藝力無限III》的啓播禮，同時公佈「創意列車」的比賽結果，阿詩早前也為「星級藝術卡」將一些生活照作列車車廂的設計，當中包括童年照及與師傅梅艷芳的合照。
「抄咗會過意唔去」
對於由雷頌德作曲、古巨基主唱的《錢錢錢錢》涉抄英國老牌搖滾樂隊Queen的《BohemianRhapsody》，而阿詩早前在其blog內也暗示有人抄歌，昨日阿詩坦言Queen是她的No.1心頭好，不過對於被指暗寸基仔抄歌一事，她說：「係blog內所講嘅嘢自己意會到乜就乜，我係講乜就唔好講咁明，我有聽過基仔首歌，但作為歌手就唔方便對其他歌手公開批評，似唔似自己就不願置評。」
不過阿詩有感而發表示每個人、音樂人心中都有一把尺，只是大家的標準不同，她說：「有時我作歌，如果咁啱似另一首歌嘅一句，自己都會盡量避免，可能自己把尺set得好高，抄咗會過意唔去，就算有首歌包hit但要抄，我都寧願作到𢱑爆頭，可能我係蠢啦，但作為歌手有責任保護知識產權。」至於她會否覺得抄歌的音樂人做法很卑鄙，阿詩即說：「大家標準唔同，過到自己個關就得，但係我就過唔到囉。」
採訪、攝影：駱華齡