美國聯邦儲備局前主席格林斯潘卸任後不愁寂寞，除大開金口周圍演講𢱑銀外，9月仲出書講做官時嘅經歷同吸取到嘅教訓。
格老話喺聯儲局差唔多20年，印象最深刻係處理87年股災同01年911事件引發嘅金融危機，前者令道指喺10月19日單日重挫23%；後者發生時，美國嘅經濟已出現衰退。
成日叫央行官員唔好利用政策操縱市場、要居安思危嘅格老，當年面對市場呢兩個突變，已即時宣佈減息嚟防止經濟進一步下滑。其實呢兩件事亦令佢明白到，經濟體系少啲規範、多啲靈活性係幾咁重要。
格老本新書《TheAgeofTurbulence：AdventuresinaNewWorld》會喺9月17號正式登場，市傳出書為佢帶嚟850萬美元（約6630萬港元）進賬，認真和味。不過，佢喺書中寫嘅感受對市場嘅實際打擊，應該比佢公開發表言論時造成嘅影響少啲。
[email protected]