早排上德國足總個官網，睇到佢哋隻着住德國隊10號波衫、叫做保利（Paule）嘅吉祥鷹，即時令我諗起屋企隻賓尼兔公仔。我呢隻公仔最特別嘅地方，就係佢身上嘅德國隊波衫，事關細個嗰陣時好鍾意德國（以前係西德），於是癲到用布碎，幫佢縫咗件86年世界盃版德國隊波衫；而雖則搬咗屋十幾廿年，但好彩呢隻着住德國4號波衫嘅公仔仲喺度，冇俾阿媽掉咗。
今晚德國喺歐國盃外圍賽迎戰超級魚腩聖馬力諾，大聯盟女神吾中佢要德國[-6]「主勝」，但我貪心啲，冷敲佢哋贏4:0或5:0。
波膽：德國勝5:0
心得：德國鷹啄魚腩
青蛙仔
型人一名，細細個就睇英國、德國波，大個就攻日本波。