跨國連鎖時裝店H&M登陸香港數月，成為不少OL定期「朝聖」之地，EstherWong本來是H&M「信徒」，但她日前朝聖時目擊「異像」，決定「離教」。原來她看到很多內地遊客隨手拿起衣服試穿，她對這些「二手衫」無興趣，「大家都知H&M好多衫都係show晒出嚟，冇新嘅，見到佢哋咁做，我都冇咩心機揀啦。」
EstherWong與BeautyExchange姊妹分享「離教」原因，她指出由於H&M的試身室經常排長龍，所以一些內地自由行遊客便索性就地試身，「我見到好多自由行，攞一堆衫企埋角落，直接將件衫笠上身試着，睇到真係O晒嘴。」為免着自由行試穿過的衫，她說已無興趣在H&M買衫。
網友指不應有偏見
SiuBee稱曾見到類似情況，「自由行有咩做唔出？惟有買衫時檢查清楚有冇俾人試過，或者唔好諗件衫俾人試過，可能會買得放心啲。」Bree認為不應有偏見，「其實唔止自由行係咁，我見好多鬼妹仔都係咁，隨手拎起件衫就試。」