瘦身風氣越吹越烈，為了去脂，眾人「唔見棺材唔流眼淚」，各有血淚故事。一名30多歲女子獲醫生處方芬特明及多種影響中樞神經的藥物，結果數月後肺動脈壓力上升、肺積水、血液循環失常，需要使用呼吸機，情況一度危殆，險死還生；另一名20歲任職美容中心的女子，則在老闆威迫利誘下服用芬特明，結果心跳、手震、血壓高，目的只為做公司「生招牌」。
香港肥胖醫學會理事盧國榮說，數年前一名30多歲女子向醫生求診，要求減肥，結果獲處方芬特明及多種影響中樞神經的藥物，女子依囑服用數月，突因氣促、腳腫入院，「佢食到肺動脈壓力升高，啲肺水積住晒，泵唔到出去，血壓好低，啲血積聚喺個心度，完成唔到個循環，隨時無命。」
盧國榮形容當時情況極之危險，「肺動脈壓力升高係好大件事，冇得返嚟（死亡）一啲都唔出奇，佢足足住咗兩個禮拜ICU（深切治療部）；作為醫生根本唔應該開呢啲藥畀佢，話兩個禮拜可以減十幾磅，肯定係毒藥，有問題。」