久病床前無孝子，有錢收可能例外，師奶網民「龍蝦刺身」近日面對一單非一般親戚不和事件。話說她的奶奶手部受傷須打石膏，由於姨仔是全職家庭主婦，家人便要求她上門照顧奶奶，豈料姨仔很君真，要求兄弟姊妹付錢給她作為照顧母親的人工。
龍蝦刺身在親子王國討論區表示，由於姨仔住得較近奶奶，又是全職主婦，家人才有此安排，「幾兄弟只係叫個妹每日抽幾個鐘幫手照顧阿媽，幫佢沖涼同煮飯，但個妹居然要收錢，話請個工人都要畀錢啦，叫佢哋幾兄弟夾番幾千蚊畀佢。」龍蝦刺身對姨仔要求看不過眼，「如果係我阿媽，我會冇條件照顧佢，我老公話我知呢件事時，我真係好驚奇。」
網友幾乎一面倒批評這名「計到盡」的女兒，Toby稱，「有冇搞錯，照顧阿媽都要收錢！」她說為免講錢傷感情，家人曾考慮請鐘點工人，可是奶奶不習慣被陌生人照顧，「老公話奶奶唔鍾意有陌生人喺屋企，真係冇計，今次焗住畀啦。」