規劃署就「旺角購物區地區改善計劃」諮詢公眾，噚日喺上海街舉行論壇聽街坊意見，公民黨老外黨員司馬文質疑官方美其名綠化旺角，實情想玩淨化掃黃。佢話豉油街臨時熟食市場係國際知名嘅「人肉沙圈」，北姑陀地各有千秋，同日本新宿歌舞伎町齊名，點知規劃署將「沙圈」夷平，改做公園仔。
司馬文大條道理咁話，娼妓係社會中唔少得嘅嘢，掃之不盡，就算政府掃亁淨「沙圈」，轉過頭流鶯咪喺隔籬街出沒？倒不如大方啲，學吓歐洲荷蘭設紅燈區，娼妓合化法，可能皆大歡喜。
佢又話與其對付流鶯，官員不如花心思解決旺角泊車咪錶位不足問題仲實際。油尖旺區議會主席陳文佑支持鏟平「沙圈」，建議公園都唔好起，費事變成另類「金魚缸」。