外甥望着眼前的一煲「啫啫豬大腸」，問我：「你估好唔好食吖嗱？」「人一世，物一世，如果唔係傷大雅嘅就不如試吓先算囉，最多放入口發覺唔啱食咪𦧲番出嚟囉，總好過成世未試過吖。」我答，外甥大概覺得舅父有點長氣兼腎腎哋，問吓兜豬大腸會唔會好食啫，點解咁多嘢答。
人一世，物一世最無奈的地方就是真的只有一世，年紀越長，回想起自己確實錯過了一些應該在美好的時光才感受到的美好經驗，想、玩、闖蕩、創造均需要心情及體魄，過了便冇得返轉頭，青春小鳥一去不回來。
我很幸運，賴以為生的職業非常有趣，每一次導演一齣新的電影都像是接觸一個新的世界，不相同的很不相同，偶遇到有相同的便更須加倍肉緊思考令相同變為不相同，越相同越需要不相同。這一齣電影談談情，下一齣電影可以搞搞笑，再下一齣電影中甚至可以殺幾個人，再再下一齣電影中又可以扮超人，感恩上天賜我這份職業，每次拍新戲都像是過了濃縮而精彩的一世，為了回饋，我也要好好的玩幾世，認真的玩，開心的玩，把玩回來的經驗及感受，忠實地用文字與畫面呈現出來。
人一世，物一世，我想玩幾世。