像關榮建一樣，雞販梁烱誠也歷盡起伏。他原本是雞檔老闆，在將軍澳一個私人承包街巿開檔，數年前承辦商突然大幅加租，租金由11,000加至20,000元，其間禽流感斷斷續續爆發，梁只有支出無收入。他惟有把雞檔結束，做保安、開小巴；現時他在老友黃偉泉的雞檔當半工，仍然年年去旅行，「不過以前搭飛機，𠵱家搭直巴。」
街巿變商場 業主喊加租
商場變身，街巿也要升格，業主加租加上禽流感，重創雞販，「爆親最慘無收入，交成兩萬蚊租，開返生意又淡，耐唔耐又整單嚟，後來業主話要搞改革，唔租畀我，結果個檔變咗裕記，隔籬仲開咗間全港最大嘅百佳。」
由於雞隻零售牌照只限原址經營，與弟弟拍檔賣雞40多年的梁烱誠決定放棄老本行，弟弟轉職教吹「啲打」，「我諗住轉行做保安，啲人見到我58歲都係咁先啦，揸小巴又唔夠人做。」
結果他在偶然機會下，遇上行家黃偉泉，跟另一位「同是老闆淪落人」一個早班，一個午班，在黃的雞檔打工，「生活冇以前咁好，惟有慳住使，一年都會去一次旅行，不過以前搭飛機，𠵱家搭直巴囉！」