上個月擂台可以話歷盡高低起伏，成個月大部份時間徘徊榜尾，幸好最終憑住1條2串3波膽過關反底勁收13萬幾，結果係點？力壓有好表現嘅蘋果波神成為盟主，真係有啲唔好意思，始終都係運氣使然。
攻對子 你要信
講到運氣，早幾日同型友過大海去咗朱古力賭場玩21點，情況又係咁上下，玩咗一陣就「見底」；不過好彩個朋友係咁玩「對子」，點知佢lucky到爆勁中，結果執番少少！見到個型友中親都笑到見牙唔見眼，得得戚戚個樣搞到我不知幾開心，所以今期推介一於追鋪「對子」（入球開雙），場次就梗係揀幫我做咗盟主，由維拉利爾當紅前鋒科蘭坐鎮嘅烏拉圭對澳洲，睇吓會唔會真係咁旺先！
單雙：澳洲「雙」
心得：呢期唔玩輸贏，改攻「對子」
賴恩
筆者崇尚以小博大，敗不傷，勝則笑。乏味雞肋何惜之！