家庭醫生關嘉美形容服用減肥藥的病人用「邪法」減肥，「幾個月之前有個病人嚟，又手震，個心又狂跳，血壓好高，成個人wingwing吓又情緒低落，我叫佢停藥，驗血、驗甲狀腺同做心電圖，佢唔肯。」她指，對方20多歲，中等身形，「佢根本唔係超肥，（醫生）無可能開呢啲藥（芬特明）畀佢，原來佢喺美容中心度做，個老闆請埋醫生開藥畀佢哋食，佢哋唔瘦點做人辦呀！」
確進糖尿專科中心醫務總監陳諾醫生指，有病人在美容中心取得包括芬特明等數種減肥藥物，服藥後心跳紊亂、情緒非常不穩定，提不起勁工作，上班打瞌睡，最終轉介予營養師跟進，透過改變飲食模式，四個月內減了20多磅。
本報記者