傳說天山雪蓮三千年開花，三千年結果，要食到天山雪蓮果就要等六千年。阿虎同阿鳳兩師兄妹奉師傅之命上山找雪蓮果，兩人踏上尋蓮果之旅。一上路，兩師兄妹發現，原來唔使上雪山都有雪蓮果，醒目的師妹阿鳳仲搵到保健食法，帶埋師兄齊齊去補補。
記者：梁學文
攝影：譚盈傑、陳陶鈞、伍慶泉
Model：Penny、Tiffany
服裝提供：衣常足（23423493）
天山雪蓮果 小檔案
天山雪蓮果祖籍南美巴拉圭，幾經風雨移植至中國西北部，現只在高山寒帶地區才可找到，營養價值高，含大量氨基酸及鐵質，多食有助降血壓。不過因為鐵質高，雪蓮果很易氧化，切開後約5分鐘就會變黑，所以切開後先浸鹽水。雪蓮果外形似番薯，咬落爽口有雪梨味，不是太甜，有種野菜味道，價錢約$28磅。
天山雪蓮果燉螺頭
師妹，你平時用雪梨煲湯我飲，飲得多都悶，不如用雪蓮果，用嚟燉湯最好，纖維粗又少糖，加上螺頭味道夠香。
天山雪蓮果汁$25
師兄，你有些少糖尿病，食雪蓮果比雪梨好，多飲幾碗可強壯身體。飲完湯，不妨試試雪蓮果汁，有助清肝解毒，又可防止高血壓，師兄，不如帶啲返去畀師傅試吓。
薑葱雲腿花膠釀遼參
雖然我有習武，不過都要補補筋骨，含高骨膠原嘅花膠就最啱，再加上冇脂肪嘅遼參，紅燒後再放入火腿上湯，諗起嗰陣香味已經流晒口水呀！
紅燒小甘笋牛肉
呢味牛𦟌啱晒姑娘仔，有助通經補血，而且煮嗰陣加咗紅酒，令牛肉更惹味，肉質更鬆軟，味道比一般牛𦟌濃，加上有牛筋，入口膠質重。
菲律賓小木瓜
師兄你話平日排便唔舒暢，不如試試呢個由菲律賓嚟嘅小木瓜，有助暢通腸胃，再加能帶出木瓜香味。
仿膳飯莊（25772018）
地址：銅鑼灣希慎道33號利園5樓
營業時間：11:30am-3pm、5:30pm-11:30pm 養生菜單每位$358
供應期：6月
優惠：逢星期一至三惠顧，價錢$198（6道菜），惠顧滿$150，女士更可免費獲贈燕窩糖水。
