袁詠儀（靚靚）噚日喺尖沙嘴出席一間嬰兒用品店嘅開幕禮。佢話BB𠵱家7個月大，每月嘅置裝費要過萬，佢話：「每次嘅月結單開支最大條數就係囝囝。」靚靚話BB大得快，所以冇耐就要買過晒啲衫，覺得咁樣好浪費。對於內地報道指靚靚老公張智霖扮大牌唔接受訪問，靚靚話老公過往紀錄良好，相信係溝通嘅誤會喎。