名利場同政治場都一樣咁現實，呢樣嘢係人都知，話說有位阿太「紫娃」，以前佢大伯係巴閉人物時，人人都畀番兩下面佢，但係「紫娃」個人就好大支嘢，明明識聽識講中文就死都要講英文，鬼咁扮嘢。
有人問「紫娃」攞手機號碼時，佢就更加當正自己係天字第一號大人物，9字頭嘅手機號碼唔使旨意啦，只肯畀個2字頭嘅號碼，初頭大家都覺得尚算合理嘅，同你唔係咁熟係唔需要畀手機號碼嘅，點知朋友有次要搵佢，就打呢個2字頭嘅number啦，嘩，唔打由自可，一打原來係個faxnumber呀！「紫娃」咁招積，隨住佢大伯落台，啲公關都唔再請佢去function啦。
撰文：阿蘇
本欄逢周一至六刊出