不少女性對「30」這個數字都很敏感，甚至抗拒，罪魁禍首可能是以前流傳下來的甚麼「女人30爛茶渣」觀念，搞到靚女們聞三色變，形成一個很大的心理關口。其實現今女性精明又能幹，只要懂得及早補充身體所需的營養，莫說30歲，即使40歲都依然是一枝花──開得燦爛迷人！爛茶渣？你話邊個……
記者：趙珮倩
攝影：周旭文
Model：Mia@IG綜藝社群
示範：土瓜灣讀者朱小姐
琥珀合桃宮保雞丁
需時：25分鐘
價錢：$30/4人
材料：琥珀甜合桃1碗、雞髀肉2片（切丁）、青/紅/黃椒各1個（切丁）、生粉/麻油各少許、糖3/4茶匙、鹽1/2茶匙、豆瓣醬1湯匙、茄汁2湯匙、酒1湯匙
做法：雞肉用糖/鹽/麻油調味，燒煎鑊下油，炒熟雞肉，加入三色椒，灒酒，下豆瓣醬/茄汁/生粉炒勻，最後加入合桃快兜即成。
知多啲：女性30歲以後新陳代謝開始減慢，堅果類食物如合桃含豐富維他命E，能促進新陳代謝，改善皮膚粗糙情況，增強肌膚細胞活力及延緩衰老。至於雞肉則含有維他命B6，可增加血清素分泌，提升情緒，舒緩因面對30歲關口問題的憂慮心情。
奇異水晶球
需時：1小時
價錢：$20/2人
材料：奇異果粒1茶匙、熟蝦仁2至4隻、士多啤梨1粒、芒果粒1茶匙、青檸2個（榨汁）、清水2杯、砂糖50g、魚膠粉2湯匙
做法：把奇異果粒/熟蝦仁/士多啤梨粒/芒果粒等材料，鋪排放入圓形模具內；清水煮開，加入青檸汁/砂糖/魚膠粉，拌勻後待凍，倒入模具，然後放入雪櫃，凝固後可取出食用。
知多啲：奇異果和士多啤梨都有豐富的維他命C，除可提高免疫力之外，亦可減少黑斑、雀斑的形成，即使人到30，都keep到皮膚白一白。
煙肉芥蘭度
需時：20分鐘
價錢：$20/2人
材料：煙肉8片、芥蘭8條
做法：芥蘭去葉去花，燒開水落少許油，灼芥蘭至7成熟撈起。之後以煙肉捲起芥蘭，放平底鍋煎至金黃色即成。
貼士：煙肉本身有鹹味，可不用加調味。
知多啲：女性通常由30歲開始，體內的荷爾蒙分泌會減少，以致脂肪細胞接收到這個訊息，會製造和釋放更多荷爾蒙而變得更壯大，因而容易局部肥胖。十字花科蔬菜如芥蘭、西蘭花等，能調整女性荷爾蒙分泌，減少脂肪細胞發展，這樣就不怕中年過份發福了。
素翅蟹柳炒牛奶
需時：15分鐘
價錢：$30/4人
材料：素翅1/2碗、蟹柳5條、牛奶100毫升、蛋白5隻、醋/生粉各少許、生粉2湯匙、糖/鹽各1/2茶匙
做法：將蛋白/牛奶/醋/生粉/糖/鹽拌勻備用；素翅汆水，蟹柳撕開備用；燒熱鑊下油，調至中火，慢慢將蛋白液倒入鍋內，待蛋白液有部份凝固才開始炒，炒至半熟時下素翅/蟹柳，一併炒勻即可。
知多啲：20多數的女性骨質密度開始緩慢降低，到30歲以後減速逐漸加快，因此補鈣對女性十分重要，牛奶含鈣量高，能預防骨質疏鬆症。
黃芽白螞蟻上樹
需時：20分鐘
價錢：$25/4人
材料：黃芽白1/2棵（切段）、瘦豬肉碎150g、粉絲1小紮、糖1/2茶匙、鹽3/4茶匙、蠔油1湯匙
做法：粉絲用水浸軟，瘦肉以少許鹽/糖略醃備用；黃芽白以少許鹽/油炒至半熟，盛起；再起鑊，將豬肉炒至7成熟，下粉絲，加入糖/鹽/蠔油調味，待粉絲煮腍，將黃芽白回鑊兜勻即成。
知多啲：黃芽白也是十字花科蔬菜之一，含抗氧化的營養素，減少細胞老化，30歲後都可以青春常駐。
