【本報訊】黎嬰極有生意頭腦，在中文大學醫科畢業時已看準美容商機，其後赴英修讀皮膚學碩士。他05年回港開設美容中心，憑胞姊黎姿落力宣傳拉客，其名堂旋即響遍娛圈內外，無綫高層陳志雲及樂易玲看診時更享半價優惠，熟客藝人張栢芝更曾與黎傳出緋聞。不過，黎嬰並非專科醫生，只是持有皮膚學碩士的註冊西醫。有知情人士透露，黎嬰近年高調標榜其美容專長，引起皮膚科專科醫生非議，有傳醫務委員會曾向他發出勸喻，促他勿以皮膚專科醫生自居。
黎嬰位於銅鑼灣的診所及兩間美容中心昨日如常營業，但記者到診所時未見有客人光顧，兩名職員正在忙於致電客人。職員稱不清楚黎嬰的病情，也未知診所未來數天會否照常營業。
傳有多名大股東支持
該中心以激光美容見稱，套餐通常有兩種價錢，黎嬰親自主理的療程較貴。網上美容專區有不少網友自稱曾光顧，「佢（黎嬰）幾好人，做嘅時候又會不停問住你OK唔OK；如果搵佢嘅治療師做會平少少，但我覺得搵醫生做放心啲。」
美容中心有黎嬰及黎姿兩副生招牌，成功從眾多美容院中突圍而出，但業界質疑黎嬰臨床經驗不足，「讀碩士係理論多，唔同專科醫生要有六年醫院經驗。有啲複雜嘅皮膚炎症，需要好多臨床經驗先識搞。」業界又盛傳美容中心有多名大股東支持，「激光機成五、六十萬蚊一部，一般專科醫生會逐少買，佢間中心一次過入好多部，傳聞係大股東買嘅，佢就間接同大股東打工。」
過份高調險惹上官非
知情人士又指，由於黎嬰過份高調，差點惹上官非，「間中心喺診所隔籬，賣廣告淨係賣間中心，根本係走緊法律罅；其實佢份人好nice，啲醫生只係唔鍾意佢用皮膚專科個名義，所以有人向醫委會投訴。佢𠵱家好小心，叫記者千祈唔好寫佢係皮膚科醫生。」
電視廣播總經理（電視廣播業務）陳志雲向本報表示，曾光顧黎嬰一次，印象中他對病人友善親切，「聽到佢發生交通意外好擔心，佢咁後生，希望佢可以吉人天相，好快好番，等我一陣都要打電話去問候一吓。」