最近無綫劇集《溏心風暴》大受歡迎，帶挈該劇演員也火紅起來，在劇中飾演程亮的林峯最近便接了不少廣告，與李亞男一同擔任婚紗代言人。林峯雖然未有結婚對象，但他原來已想好在秋天舉行婚禮，還打算中港兩地擺酒。
林峯在《溏心風暴》中與華裔小姐冠軍鍾嘉欣做完情侶後，早前他又與05年度華裔小姐冠軍李亞男為「羅浮宮」婚紗店拍攝婚紗照，認真有艷福。兩人拍廣告前已經認識，所以開工時不時打鬧嬉戲，營造新婚夫婦感覺，到正式拍照時，攬攬抱抱也不覺尷尬。不過林峯初時頗擔心李亞男高過自己，量度過後發現不是才放心下來。
秋天行禮最好
經常要演出結婚場面，問林峯到真結婚時會否少了一份驚喜，他說：「都會嘅，之前有同其他男藝人講過呢個問題，不過我相信如果真係結婚，感覺一定好唔同。」林峯坦言對結婚有憧憬，他說：「我都好希望可以搵到一個結婚對象，不過目前嚟講都好難，因為𠵱家連女朋友都冇，現階段都係以事業為重啦！不過相信到時我結婚，一定好多人嚟參加，婚禮仲會喺香港同廈門舉行，到時可能要擺幾日呀！」
林峯連結婚的季節也想好了，他說：「我會揀秋天，因為天氣涼快唔會咁辛苦，我就一定唔會揀夏天，因為本身係個大汗包，怕到時全身濕晒；冬天亦唔會揀，因為驚冬天着婚紗會好凍。早排我去過北京一間教堂，嗰日天氣好凍，我見到嗰啲新娘都好陰功，我唔想第時老婆咁辛苦！」
撰文：丁寧
