NBA湖人球星拜恩最近透過大氣電波，話希望當年策劃佢到湖人嘅謝利韋斯重掌球隊管理工作，否則走人！高比仔有一夫當關能力毋須多講，但以湖人家陣嘅班底真係冇乜可能贏到總冠軍，所以佢希望韋斯返嚟搞好隊波都好正常。不過經過積遜教練開解後，高比仔噚日又回心轉意，話希望繼續留喺湖人，我哋班行家真係俾佢玩死！