一班新晉歌手王菀之、張敬軒、張繼聰、方大同和農夫，早前在九展舉行音樂會，反應理想，本月18日他們會再次聯手舉行「nokia音樂有得talk903musictalkie」音樂會，並移師至會展中心舉行，更找來楊千嬅撐場。
細場轉大場
張繼聰表示今次會以搖滾樂為主，還專攻唱劇集歌曲，王菀之賣關子說：「總之呢一刻令你笑，下一刻令你感動到喊。」提到音樂會由細場轉到大場，備受力捧的張敬軒會否預計年尾的頒獎禮成績也更上一層樓呢？他說：「其實頒獎禮上得獎，係代表我哋實至名歸，但冇獎又唔代表我哋冇努力過，我哋寧願做有口碑嘅騷，因為頒獎禮得獎，之後未必有人記得。」
張敬軒正經地回答後，張繼聰即搞笑說：「農夫咪係樂壇班霸囉！佢哋直情係樂壇惡霸，佢哋講笑其他幾個人又要笑，而且又要搭嘴喎！」
採訪：王連連 攝影：仇志德