佘詩曼日前在銅鑼灣慶祝32歲生日，新劇《鐵咀銀牙》的兩位男拍檔陳小春和謝天華均有到賀，反而其舊愛陳浩民則未有出席派對。阿佘昨日出席活動時表示對方的確沒有到場，甚至連一個恭賀短訊都沒有，埋怨對方不細心。
佘詩曼、陳敏之、陳小春及謝天華昨日在將軍澳電視廣播城，為有份主演的新劇《鐵咀銀牙》進行開廠拜神儀式，眾演員誠心上香，祈求拍攝順利。
「冇收到佢嘅SMS」
佘詩曼日前在銅鑼灣Basement慶祝32歲生日，劇中兩位男拍檔陳小春及謝天華都有出席派對，不過其舊愛陳浩民就不見蹤影，未知可會是陳浩民多次被拍下攬女夜蒲的照片而影響其正印男友地位？阿佘說：「佢嗰晚冇嚟，都冇收到佢嘅SMS啫，可能佢唔喺香港啦！」問阿佘可覺得對方沒心肝？她說：「男仔係咁啦，冇女仔咁細心嘅。」阿佘表示獲友人送贈性感內衣作為生日禮物，她說：「有幾個朋友送，有男有女嘅，我都未試，好色彩繽紛同埋好sexy。」
另外，陳敏之前男友揚明頻頻惹上官非，日前再度涉嫌醉酒鬧事，在便利店以回鄉卡當八達通付款，之後更毀壞店內物品，陳敏之昨日被問起此事時顯得不知所措，她說：「我冇睇報道，係咪冇事㗎，我會打畀佢睇吓佢有冇事，我都唔係好清楚。」
敏之撐舊愛揚明
問陳敏之揚明是否經常醉酒鬧事？她力撐舊愛說：「其實識佢咁耐，佢都係斯文男仔。」提到無綫有意放棄形象跌至谷底的揚明，陳敏之說：「希望佢（揚明）珍惜啦！」
採訪：卓美娟 攝影：陳俊強
