香港人到外地旅遊，多數會買點手信做紀念品，但甚麼手信最能代表香港特色呢？網民33Z即將赴英留學，他想買手信送給寄宿家庭，「由於第一次見面，雙方都未見過面，我想表達心意，所以想送份禮物畀佢哋。大家認為有咩嘢具香港特色，或者外國人會鍾意嘅禮物？」
非咖喱魚蛋莫屬
自稱窮鬼宗的網友說，可以到女人街買幾件印有「ILOVEHK」T恤，「好多外國遊客買」。網友不肖子說最能代表香港的，非咖喱魚蛋、雞蛋仔這些街頭小食莫屬，缺點是未必可以帶上機，「拎到去英國都可能變壞，買鹹魚就唔怕。」
更有網友建議到遊客購物區看看，「買啲有龍有鳳嘅雕刻，我見好多外國人買。」Bear指雕刻太大件，「買套關於香港名勝古蹟明信片，仲有意思啦。」阿Rain認為33Z可自己動手，「做啲小飾物送畀佢哋，又可以整吓有香港特色嘅嘢，有心思又有特色。」