台灣F4、183Club及飛輪海每逢來港宣傳，均令到香港少女瘋狂追捧，眼見台風俘虜香港萬千少女心，森美覺得有必要作出行動反擊，於是聯同電台節目《森美移動》DJ拍檔組band進軍樂壇，更邀請了少男殺手薛凱琪為他們的處男音樂會任嘉賓。
森美聯同商台節目《森美移動》DJ拍檔細蘇，Leo及陳強組成的同名組合，將會衝出大氣電波進軍樂壇，於下月30日走上九展舞台作處男演出。
森美表示四子的強項是「賣樣」，他們近日已密鑼緊鼓為音樂會排舞練歌，更邀請了少男殺手薛凱琪（Fiona）以辣妹造型擔任嘉賓，當晚實行來個四子比拼爭辣妹環節。不過森美事前已打定輸數，他表示因為Fiona口味甚怪，絕不鍾意靚仔，又笑指因為Leo外表平凡沒有攻擊力，Fiona不會有戒備，故四子中她只會選Leo。
設大懲罰環節
森美移動屆時更會將節目中的遊戲部份搬上舞台，當然不會欠缺大懲罰環節，森美透露懲罰將不設底線，連Fiona都難逃一劫。另外，他們更定下目標要在短時間內攻陷各階層人士市場，再以本身特質吸納不同類型人士，森美說：「細蘇高瘦就負責啲女，Leo負責30歲以上貨車司機，佢入型入格，而陳強成個電車男咁，就梗係負責電車男一族，我就係百搭，不過因欠缺吸引少男嘅人，所以要搵Fiona幫手。」
扮怪獸兔現身
獲森美移動賞識，Fiona極之興奮，更表明於台上任玩唔嬲，又會和他們大唱大跳《886》，她透露音樂會當晚四子會以怪獸兔造型現身，她起初要扮蘿蔔，最後便改為辣妹。
得知他們將以「賣樣」為主，Fiona即說：「咁祝佢哋好運啦，𠵱家啲fans品味好奇怪，佢哋應該有市場。」
採訪：馬建華
攝影：仇志德
