腹大便便的李兆基新抱徐子淇，昨日傍晚時分又告出巡購物，她在好友及保鑣陪同下現身金鐘西武購買兩條共值3,640元的花花闊身裙，健步如飛的她表明預產期為8月，但昨日所見子淇的肚子已大得似臨盆在即，哪8月時她的肚子會大到甚麼程度？
身家逾千億元的恒基兆業主席李兆基的新抱徐子淇，去年結婚後即告有喜，預產期曾傳出多個不同版本，有指她會在日內進入老爺旗下的仁安醫院分娩，但昨晚7時多，記者竟發現腹大便便的徐子淇又shopping癮起，在女性友人陳君宜及保鑣陪同下現身金鐘西武百貨掃貨。
心情勁靚
「話咗係8月生㗎啦」
升格為恒基少奶奶的子淇，每次出現身上都不缺名牌手袋傍身，昨晚她身穿藍色闊身透視直條衫加牛仔褲配藍色Chanel手袋，以一副襯到絕的「藍精靈」打扮示人。
現場所見，徐子淇面部略為浮腫，但常掛幸福笑容，她在店內主攻中平價品牌如A.D.S.Collection及TaraJarmon的花花圖案闊身裙，擺明有意將闊身時裝當成孕婦裙來穿，最後她總共花了3,640元買下兩條有點娘味的花花裙。
記者上前問到子淇入院待產傳言時，心情勁靚的她帶笑得戚地說：「一路都冇講過係5月，話咗係8月生㗎啦。」提到BB在8月出世即是獅子座，她又故弄玄虛說：「8月中生，可能係處女座呢！」然後以其一貫嬌嗲的語氣說：「唔好再影啦，俾人影到，唔知幾耐先有得再出嚟啦，不過其實我成日都有出街嘅，你哋影唔到我啫。」
健步如飛
「BB有時都踢我㗎」
再問徐子淇陀BB悶不悶及體重有否繼續上升？她說：「唔悶，陀得好開心就真，BB有時都踢吓我㗎，不過我知佢唔係百厭，佢好乖嘅，體重都係咁上下啦。」BB是否已改名？徐子淇則沒有回答。記者見她離開時，健步如飛，超快閃離商場，更不用好友陳君宜攙扶，隨即登上等候她的座駕離開。
採訪：吳天慧
攝影：娛樂突發組
最高蘋嬸
徐子淇貴為千億豪門新抱，買兩條裙都只係3,000幾蚊，我蘋嬸真係要好好反省一下，唔好亂咁使錢啦！
