【第八話】劇集《溏心風暴》中的舅父波一角，被觀眾討厭的程度跟細契關菊英不遑多讓，不少網友齊聲表示要掌摑他，飾演此角的阮兆祥自言本身性格與舅父波完全相反，雖然該角原先是找黎耀祥飾演，但祥仔對於執二攤絕不介意，更認為懂得把握機會才最重要。
無綫劇集《溏心風暴》每一個角色均令人留下深刻印象，除劇中幾位老前輩鬥戲出色外，飾演舅父波的阮兆祥也令一眾師奶恨之入骨，此角色雖不及細契奸險，但其見錢開眼的性格一樣令人討厭，祥仔自言本身性格與舅父波絕不相似，故演出時有一定難度，他說：「以前都係成日演啲喜劇，所以初初接到呢個角色時都好驚，驚自己掌握唔到做唔嚟，今次算係我咁多年嚟一個突破。」
憶亡父心痛
《溏》劇集合李司棋、關菊英和夏雨等好戲之人，祥仔當然也不敢怠慢，盡力發揮演技，他說：「一聽到有咁多好戲之人一齊拍，當然好開心，拍完之後簡直獲益良多，而且以前拍劇自己都會諗好多花臣嘢喺對白上，但呢套劇係唯一一套唔使執劇本嘅戲。」
劇中舅父波有不少內心戲，祥仔表示難度也甚高，他說：「我本身好少喊，所以初初拍都有借助吓眼藥水，其中有一幕我好難忘就係大鮑死咗，一家人要坐靈車出殯，嗰刻我諗起當年爸爸過身時嘅情景，因為只有家人先可以坐靈車，所以嗰幕真係好難忘。」
把握好機會
其實舅父波一角本由黎耀祥飾演，但他因身體不適被迫辭演，此角才由祥仔頂上，不過祥仔對於自己執二攤毫不介意，他說：「講真我係最後一個演員入劇組㗎，呢一行永遠都會有呢一種情況出現，最緊要係好好把握自己嘅機會，執到而做唔好呢個角色，先係最大嘅問題。」他又指舅父波雖然見錢開眼，但也有善良一面，他說：「佢冇事冇幹都好正常，其實佢本身都好錫屋企人，呢一方面同我係相似嘅。」
採訪：王崇穎 攝影：陳慧安
