側田（左）噚日同曹格（右）、小肥喺九龍灣為明晚舉行嘅音樂會綵排，嘉賓仲有任賢齊同吳雨霏。側田會首次彈琴演奏，又跳勁舞，佢自嘲喺台上好似做馬騮戲咁乜嘢都做。大會安排一座演奏用嘅鋼琴畀佢彈，佢話個琴嘅級數等同法拉利咁勁，所以擔心到時會發台瘟手震彈錯出醜。至於嘉賓方面，佢好想同王菀之合作，可惜要留待下次先有機會。