數百萬港元，足夠一般人買層樓安居樂業，或用來買架超級跑車代步。不過，網民Nikiturbo日前發現，一部左軚林寶堅尼Murcielago，泊在一個停車場內鋪滿灰塵，相信車主置之不理已一段時間，「一部被遺棄嘅超級跑車，好陰功。」
網民Nikiturbo沒有說明這部跑車泊在何處，只拍下照片，「架車無炒無壞，只係車主太少用佢，可能太多新玩具都未定，令到呢架Murcielago擺多過揸，仲要無人打理封塵，糟蹋了一部超級跑車。」
車迷斥暴殄天物
不少愛車網友都認為車主真是暴殄天物，「唔要畀咗我好過啦，我勉強收留佢。」網友F430表示，有錢人比較浪費，買架超級跑車只看不揸也視作等閒；署名「開心麥樂雞」的網友也說車主可能有其他更名貴的座駕，「可能車主已經開緊第二部更加正嘅車，呢架咪擺喺度囉。」網友ST1015稱可代車主打理名車，「擺低條車匙畀我，我得閒幫你揸番轉仲好啦。」另一名網友Tommy_kai更怒斥車主浪費，「買咗架車，唔揸又唔理，真係好折墮呀。」
有網友指出，這部價值逾百萬港元的Murcielago屬數年前舊款，「可能車主買咗新款，咪唔揸呢架囉。」也有人說這部是左軚車，「相信車主唔係喺香港揸，可能買嚟收藏。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]