王菲同老公李亞鵬嘅愛情結晶李嫣不幸天生兔唇，佢兩夫妻為咗個女將來幸福着想，只好放低一切到美國安排個女做手術。
趙薇景崗山到賀
個女咁細就要做幾次手術，阿菲同鵬鵬當然心痛死，所以喺大前日（27號）個女一歲生日，佢哋為個女喺北京某餐廳搞生日會，出席圈中好友近百人，認真大陣仗。
據噚日網易娛樂報道，鵬鵬大前日揸住架Audi車載住老婆同個女到餐廳，保母抱住李嫣先落車，囡囡臉蛋肥嘟嘟，真係好得意。阿菲一家抵達餐廳後，發現店外擺滿花、門口牌子寫上「李嫣生日快樂」。到賀嘅嘉賓包括趙薇、導演張一百同景崗山等，好多賓客仲帶埋小朋友嚟，所以成間餐廳都充滿小朋友嘅笑聲，後來仲有人送咗個五層大蛋糕嚟！
