無綫劇集《溏心風暴》繼大契（李司棋飾）和程亮（林峯飾）先後去世後，今晚第38集輪到大鮑（夏雨飾）病逝。劇情講述大鮑中風入院蘇醒後，竟向細契（關菊英）認輸說：「琴，我知你心諗乜，我輸啦，我好攰，我應承你改遺囑，分一半身家畀你，唔好再搞嘢，同我好好打理鮑魚舖睇住頭家，最緊要畀我見到安、逸、歡、欣同唐心。」
阿歡離棄親母
細契即安排律師到醫院，有子女陪伴身邊的大鮑談笑風生，又抱着唐心餵奶，細契緊張催促他更改遺囑，大鮑說：「係，要改，要幫唐心改英文名，叫SamTong吖。」大鮑又叮囑莉姨（米雪飾）和得得地（陳豪飾）撐起唐家，還說：「真係安樂晒，仲有樣緊要事，唐心生癬，女仔一笪笪唔靚。」說完大鮑即騎騎笑後安詳離世。
細契有感被大鮑玩弄，氣難下決定與唐家打官司，並召開記者會，更要求親生子阿歡（黎諾懿飾）講大話，指大鮑立遺囑時神志不清，阿歡初時拒絕，但因細契以斷絕關係作威脅只好答應出席，不過他卻在記者會上反數母親，激動地說：「一個仙都唔會落喺佢身上，畀佢即係畀姦夫。」
又穿崩！
繼早前常在心（鍾嘉欣飾）陪程亮（林峯飾）夜蒲期間，半途趕往海洋公園安慰得得地（陳豪飾）時，竟神奇地由夜變日，以及得得地陪常在心睇流星雨時，製作人竟為流星加插「蕉蕉」聲效果後，前晚播出的第36集中，常在心到醫院探望大鮑（夏雨飾）時，竟上演一幕變「髮」術，實在非常失策。
劇情講述常在心到醫院探望大鮑，穿上黑色外衣的她將頭髮盤起梳成髻，十分整潔，誰知鏡頭一轉，螢幕出現一段自白，當時常在心正步出病房，只見她髮髻解開，長髮披肩，後來她離開醫院時，頭髮竟然又再次盤起，短短幾個鏡頭連髮型都連不上，認真離譜！
難道常在心見得得地情緒低落，故意撥亂自己的頭髮逗對方開心？
