百厭星搭扶手電梯動手動腳，間中都會有意外發生，但無獨有偶，近幾個星期至少有5宗小朋友着crocs涼鞋被扶手電梯夾傷腳，不少父母心中有個疑問，究竟係咪對鞋有問題？耳聽三分假，眼看未為真，就請教專家揀選鞋仔給小朋友，原來4歲以下小童不宜穿冇包腳踭的涼鞋㗎！
記者：郭佩韻
攝影：陳盛臣
Model：Anson、Alice
乘自動電梯企中間
「請緊握扶手，切勿在梯間走動。」常聽到地鐵車站的廣播，但照做的人無幾人，尤其係繁忙時間，人群自然分成右企左上落，原來呢個慣性是不安全的，理工大學機械工程學系工程師盧覺強話：「扶手電梯原本嘅設計係乘載大家往上往下唔使行，啲人成日貪快變成自動樓梯，呢個做法好危險，不但係小朋友，大人一失平衡就會連人倒後，隨後的人亦相繼倒下。最安全方法是企中間，因為兩手可作平衡，萬一失重心，兩手也可捉欄邊企穩。仲有電梯左右兩邊有磨擦力，側邊凸出的毛毛係預防對腳攝入，小朋友常貪玩貼住毛毛邊行，咁好易出事，所以家長一定要拖實子女，並叮囑佢哋唔好把腳亂放。」
揀鞋3大要點
家長買鞋給子女，最重要是注意鞋仔對腳部的發展及安全，物理治療師劉仕德話：「揀鞋最重要係鞋碼夠唔夠闊，過鬆過緊都唔好，預留一隻手指位已足夠；其次係小朋友腳部仲發育緊，肌肉好幼嫩，所以要揀些保護性強的鞋款，4歲以下小朋友，唔太適宜着冇包後踭嘅鞋，因為承托力唔夠，好易扭傷。最後係鞋底要夠挺，最好有微曲設計，貼近小朋友腳形，承托力相對高。」
屈屈隻鞋知軟硬
劉仕德教揀小朋友鞋不宜太軟或太硬，買鞋時可屈屈隻鞋，如果能把鞋頭屈到一半，對鞋屬太軟，唔適合小朋友着。最好係從鞋頭屈至3，合格後再屈一下鞋踭，少少硬唔太軟，對鞋就好安全可給小朋友着，以下測試市面上3個最受歡迎品牌的小朋友鞋。
Dr.Kong
用手輕輕一屈，鞋頭1/3已微微翹，鞋踭不太硬。
crocs
鞋的膠好軟，一屈就屈扁，幸而鞋的中間位尚算堅硬。
Birkenstock
觀察鞋櫳，如鞋墊有迎合腳形的凹凸設計，都啱小朋友着！
最安全小童涼鞋
適合4歲小童鞋款
適合4歲以上小童鞋款
父母齊撐crocs涼鞋
黃女士
我唔係好驚着呢款鞋會整親，平時唔好俾佢一個單獨出街，多照顧佢就唔怕。
陳太
只要平時睇住佢行電梯就唔驚夾到，呢種鞋幾好着，唔會唔俾佢着，我相信安全。
張太
我個仔着咗咁耐，好舒服喎！總之行電梯拖實佢就唔會有事。
梅先生
我覺得唔關對鞋事，應該係個小朋友行得唔好，亂咁玩，所以我照俾個女着。
查詢：
（a）Crocs25758003
（b）Birkenstock29671830
（c）Dr.Kong24291906