喺97年7月出世嘅豆丁，今年真係着數多籮籮，可以免費遊勻本港兩大主題公園廸士尼同海洋公園，不單止令我呢個後生女恨到流晒口水，就連我嗰個喺97年7月降落凡間、但弊在唔係喺香港出世嘅姪仔都猛話「香港啲小朋友真係幸福！」
海外出世亦可享優惠
不過，佢今次終於等到，因為97年6同7月出世嘅小朋友嚟緊6至7月有得免費搭山頂纜車，連海外出世嘅遊客都有呢項優惠。合資格嘅小朋友只需要喺山頂纜車中環總站出示出世紙、學生手冊或者附有相片嘅護照，就可以享優惠。我呢幾日就俾個小魔怪煩死，日日哦我叫我帶佢搭纜車，上山頂兜個圈先。
佢仲好老積咁話，6月11日至7月7日凌霄閣仲有「和諧共融慶回歸--兒童眼中的中國」展覽，有四百幾個小朋友自創幾百件藝術品展覽。佢懶得戚話：「邊個話我哋細路唔愛國。」
逢周一至周四刊出