三歲小孩已學習如何上廁所，但十多二十歲的成年人，竟然不懂得如廁。近日有理大學生在網上大爆同學陋習，「成二十歲人去廁所都射唔準，搞到男廁地面四處佈滿尿液，十分惡心，真的難為了清潔阿姐。」
網民Cslaa在香港討論區指出，理大圖書館一樓的男廁是重災區，「點解啲人讀到大學都唔識小便？我去過其他大學啲廁所都唔係咁。（即使是）狗仔教咗幾次都識屙尿啦，理大係唔係需要將呢樣嘢列為必修科？搞個屙尿訓練班，強制男生學習FluidMechanic（流體力學）？」
「大解後又唔沖廁」
原來很多理大生都察覺到這個問題，不少人更在網上回應，網友「Winkingforever」爆料，「有好多人大解後又唔沖廁，圖書館啲廁所好多人用，到下午真係臭到死。所以我免得過都唔去，寧願行遠啲去其他較少人用嘅廁所。」
另一名網友Choifei透露，其實不止男廁有問題，女廁也有同樣情況，「有次去圖書館四樓女廁，見到成地尿，經血迹都見過，咁大個都仲唔識去廁所，好無奈。」有網民更自爆一次難忘經歷，他曾目睹有理工男生上廁所時，竟連門柄也弄髒，「最恐怖係在男廁廁格入面的手柄上，竟然有一團深啡色的物體，當然成地吓都係，搞到咁好離譜。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]